Impronta Editorial

Literatura de cualquier especie (y muchas más cosas)

0

Tu cesta

Marisa López Diz

Marisa López Diz (Xixón, 1970) ye llicenciada en Filoloxía Hispánica y especialista n’asturianu y gallego-asturianu, llingües les dos —xunto col castellanu— nes qu’escribe davezu poesía y narrativa tanto pa neños como p’adultos. Tien ganao abondos premios lliterarios, ente los que destaquen el Fernán Coronas (1998), Cuentos pola Oficialidá del Asturianu (1998), l’Elvira Castañón (2001), el Premio Xeira (2007), el Premiu de la Crítica (2007), el de Poesía Minera (2012), Relatos de la Mar (2012) o l’Urogallo de Bronce del Centru Asturianu de Madrid (2013) na categoría de llingua asturiana, amás d’otros premios y menciones tanto n’Asturies como a nivel nacional. Nel xéneru poéticu tien publicaes Tiempu de tristura (1998) y A terra esqueicida (2007), n’asturianu y gallego-asturianu respectivamente. En cuantes al xéneru infantil, publicó los llibros Poemes de Carambelu (2006), Binoca (2008), Poemas de Caramelo (2009, en castellanu), Malva y el paragües máxicu y Malva y el papapallabres (2010). Nel 2012 estrenó A fiya del xastre, que recibió’l premiu al meyor curtiumetraxe rodáu n’Asturies «Ribadedeva Rec» (2014). L’otru campu artísticu nel que trabaya ye la música: forma parte del dúu Mestura, col que tien cuatro discos publicaos, Agua del norte (2006), Poemes de Carambelu (2008, n’asturianu), Poemas de Caramelo (2013, en castellanu) y A terra esqueicida (2013, en gallego-asturiano), esti últimu inspiráu en poemes del so llibru homónimu.

Mostrando el único resultado

Volver arriba